Kuri uyu wa Kabiri umuhanzi akaba n’umunyapolitike utavuga rumwe n’ubutegetsi bwa Uganda Bobi Wine yarashwe akaguru, aho ishyaka rye ryatangaje ko ari Polisi yamurashe, nubwo Polisi nayo yavuze uko Ku gicamunsi cyo kuri uyu wa Kabiri, nibwo ishyaka National Unity Platform (NUP) rya Robert Kyagulanyi uzwi nka Bobi Wine ryatangaje ko Perezida waryo yarashwe na Polisi mu gace ka Bulindo.
Mu butumwa NUP yashyize kuri X, bavuze ko Polisi yari igamije kwambura ubuzima Bobi Wine ariko Imana ikinga akaboko, nubwo bemeza ko yakomeretse akaguru akaba ari mu bitaro bya Nsambya Hospital.
Najja Ssenyonjo umujyanama wa Bobi Wine yabwiye BBC ko yarashwe n’umupolisi wari wambaye impuzankano nyuma y’uko bari bamaze gushyamirana.
Itangazo ryasohowe na Polisi, ryavuze ko Bobi Wine n’ikipe ye bari bageze mu gace ka Bulingo, basanganirwa n’abayoboke babo batangira kugenda n’amaguru mu muhanda batangira kuwufunga aribwo Polisi yagerageje kubatandukanye Bobi Wine asitara ku modoka ye arakomereka.
