*Umwe mu bagize Inteko ishingamategeko yasabye ko inkwano ivaho.
*Minisitiri Bayisenge asaba abagiye gushaka gutegura urugo mbere
Minisitiri w’Uburinganire n’iterambere ry’Umuryango ,Prof Bayisenge Jeannette, yihanangirije ababyeyi bafata inkwano nk’ikiguzi, asaba abagiye gushinga urugo kubanza kwitegura.
Ibi byatangajwe kuri uyu wa kabiri tariki ya 15 Ugushyingo 2022,ubwo yatangaga ibisobanuro mu magambo ku Nteko Ishingamategeko umutwe w’Abadepite, ku ngamba iyi Minisiteri ifite mu gushakira umuti ibibazo bigaragara mu muryango nyarwanda birimo amakimbirane mu bashakanye.
Minisitiri w’Uburinganire n’iterambere ry’Umuryango Prof Bayisenge Jeanette, yabanje kugaragaza ko hari bimwe mu bikizitiye umuryango birimo amakimbirane hagati y’abashakanye,gatanya ikomeje kwiyongera ndetse n’igwingira mu bana rikiyongera mu miryango.
Bimwe mu byagaragajwe nk’ibikizitiye umuryango ni ingo zibana mu makimbirane zitamaze kabiri zirimo n’izisenyuka zigishingwa.
Aha niho Hon Depite Ndagijimana Leonard yavuze ko intandaro ari ingo zibana ziri mu manegeka(negative) ahanini kubera amikoro macye bitewe n’imbaraga ziba zarashowe mu gutegura ubukwe.
Hon Ndagijimana yagarutse ku nkwano y’umukobwa, avuga ko ari inzitizi ikomeye ku bagiye ku rushinga, asaba ko yavaho mu rwego rwo kudashora abashakanye mu mwiryane n’ibihombo.
Yagize ati” Inkwano ubu zigeze muri za miliyoni uwo ni umutwaro wa mbere.Umutwaro wa kabiri kugira ngo abone inzu cyangwa ubukode bikaba ari umutwaro uremereye,kugira ngo abone amafaranga y’ubukwe kikaba ari ikibazo ndetse hamwe bagasesagura.”
Yakomeje agira ati “Umuryango wose ugasanga watangiye uri muri negatif(mu manegeka).Mwibaze rero urugo rwatangiye ruri muri negatifu aho ruzagera.Ahenshi aba yafashe inguzanyo muri banki cyangwa yagujije bagenzi be.Turebe ukuntu twavanaho abantu umutwaro w’inkwano.”
Uyu mudepite yagaragaje ko hagakwiye kurebwa uburyo by’umwihariko bufasha umuryango ugiye gushyingiranwa koroherezwa kubona nibura inzu yo kubamo binyuze mu nguzanyo ya leta hirindwa ko bagorwa n’ubukode.
Asubiza ikibazo cya Hon Ndagijimana,Minisitiri Bayisenge yagaragaje ko umuryango witegura gushinga urugo uba ukwiye kwitegura, ukajya kubaka urugo ufite ibisabwa byose.
Minisitiri Bayisenge yatangaje ko ubusanzwe inkwano itagakwiye kuba inzitizi kuko atari ikiguzi.
Yagize ati “Itegeko ryacu nta hantu rishyiramo ko utatanze inkwano udasezerana.Inkwano yari ifite igisobanuro cyayo.Ariko ni kwa kundi ikintu kiza tukagifata uko kitari.Nk’ihame ry’uburinganire turabizi ko ari uguha uburenganzira bungana abahungu n’abakobwa,abagore n’abagabo ariko hari imyumvire igenda iyishamikiyeho.”
Yakomeje agira ati”Inkwano yari ikimenyetso cy’ishimwe ariko iyo myumvire ifatwa. Ugasanga n’ababyeyi bayifashe nkaho ari ikiguzi ,nicyo kigomba gushyirwamo imbaraga kurwanywa naho ubwayo n’igisobanuro cyayo ntabwo byari bibi.”
Minisitiri w’Uburinganire n’iterambere ry’umuryango,yasabye abagiye gushyingiranwa kwitondera ahazaza habo.
Yagize ati”Ugiye gushinga urugo yagakwiye kubanza kwitegura aho kwihuta.Aha niho hagomba gushyirwamo imbaraga akamenya ese gushinga urugo ni iki?Nk’uko ukora umushinga ubyara inyungu ukabanza ukawutegura.Igihe rero udafite akazi,udafite inzu sinumva icyo ujya gushinga urugo .Abana wazababyara babeho gute? Bazaba umutwaro kuri leta .Niho hagomba gushyirwa imbaraga.”
Kugeza ubu inkwano ihabwa ababyeyi b’umukobwa ikomeje kugirwaho impaka ndetse hari aho ifatwa nk’ikiguzi.
Itegeko Nº 32/2016 ryo muri 2016 rigenga abantu n’umuryango, mu ngingo yaryo ya 167 rivuga ko “Ishyingirwa rikorewe imbere y’ubutegetsi rishobora kubanzirizwa n’imihango gakondo ndangagaciro y’umuryango nyarwanda irimo umuhango wo gusaba no gufata irembo uhuza imiryango y’abifuza gushyingiranwa ikemeranwa ko nta nzitizi yo gushyingiranya abana bayo.
Gusaba umugeni no gukwa ugaragaza amasezerano y’ubwumvikane hagati y’imiryango ibiri (2) yemeranya ko umuhungu n’umukobwa bayikomokaho bazashyingiranwa kandi ko iyo miryango yombi izakomeza gufasha no guhagararira ishyingirwa ryabo. Icyakora, iyo inkwano itabonetse ntibibuza amasezerano y’ubushyingiranwa kwemerwa.”
TUYISHIMIRE RAYMOND/UMUSEKE.RW
Nukuripe ikwano yagakuwehopee
Ahubwo akifashishwa mugutangirurugendo murugorwabopee haribyinshi byahindura
Ngaho nivaho se barayisimbuza iki ubwo mubukwe bishobora kuzavaho njye ndumva abyitanga babareka bagatanga iyo bashoboye ariko bakayitanga naho ubundi abo mungo bo umwe arikunda akanishimisha akarusha mugenzi we
Inkwano si ikibazo k’umuryango ahubwo ikibazo ni imyumvire y’abantu.
Kuki inkwano yumvikanwaho hagati y’umuhungu n’umukobwa mbere Yuko babimenyesha ababyeyi.
Mungo z’ikigihe ikibazo si inkwano ahubwo ikibazo ni urukundo rw’ikigihe.
MURAKOZE.
Noex ubund woe wabuzwa niki kuvuga gutyo kand utazi uburyo inkwano ivuna ? ntashimwe ryumunt umwe twese ababyeyi baba baratureze ntabyamashimwe kurumwe ibyo ntibikwiriye kbx
Yes urukundo biragaragara ko rwabaye ruke kbx nanjye ndabona inkano Atari ikibazo cyatuma ingo ziba mumanegeka
Areweeeee ibyo bijyiye gutuma havuka indushyi nyishi Nako ibinyendaro byishi uwo minister turaje tumutere amabuye uwo ni umurengwe bijyiye gutuma abagabo babimbwa noneho uwo ni umunywa urumva imizindaro yabagabo ibisubizo byayo Ra🤣🤣🤣🤣
Mwaretse ubukunguzi koko. Inkwano iveho? Isimbuzwe niki se? Noneho nubukwe buveho? Mwagiye muganira nabakiru koko. Niba hari abafashaka inkwano bazabibwire imiryangi yabo naho abanyarwanda tugomba kugumishaho inkwano
Ubwo se umukobwa warongorw adakowe twabyita iki?
Musigaye muhindura ibintu byinshi, ahaho mutubabarire mutaduteza ishyano
Ubwose ararebye asanga mubibazo bibangamiye rubanda ari Inkwano kuruta ubushomeri burahahanze uziko wagirango umutwe we wuzuye amazi
Tugiye mu nyurabwenge, inkwano ivuyeho, n’ibirongoranwa umukobwa atahana byavaho, kuko ku ruhande rw’umukobwa niho hagorana, akenshi akoresha inkwana bahawe!!!!
Nonex we ntaba afite umuryango akomokamo kuko utamuha ibyo bishyingirwa noneho umuhungu nawe agashaka inzu nibindi bizabafasha mugutangira kubaka urugo
Inkwano sikibazo ikibazo nubushomeri buvuza ubhuha nawe se none se umuntu arangije kaminuza nayo ayirangije ari mu munguzanyo araje abuze akazi.nideni rya Banki ntabashije kuryishyura no kwikorera ntibiZamushobokera kuko nta banki nimwe yakongera kumuha inguzanyo.ubwo se murumva ibibazo atari byinshi ahubwo leta nishake uburyo bwose bushoboka h aboneke uburyo bwo bushoboka bw’imirimo Banki nazobere yo gushyira umuntu muri CRAB zibanze zirebe icyo iyo nguzayo bayimuhereye.kuko burya ubunye uburyo bwo gukora ibindi bibazo byose byavaho
inkwano niveho pe kuko niyo ituma narongora kuko banshiye menshi niba arisambu naguraga simbizi uriya mudepite. ibyo yavuze nibyo
Umva ye inkwano sikibazo ahubwo ikibazo nimyumvire yabantu ubuse ntihari abakoye Kandi bakaba bazubatse neza , ahubwo training nizibe nyinshi kubantu bagiye kurushinga naho inkwano ntakibazo kirimo rwose
Mu bibazo bibangamiye imiryango, harimo ubukene cg se umutungo udahagije ari na byo bituma iyo nkwano itakiboneka, kuko uko byagendaga ababyeyi bubakiraga abana babo, bakabaremera uko ejo bazamera, intangiriro ikava aho ngaho, ndetse rwose inkwano ntiyigeze iba ikibazo kuko yashakwaga n’umuryango wose, yane uw’umusore, ukazajya gushimira uwo kwa ya nkumi yashimye, kuba rero byareguriwe umusore ku giti cye ni zo mbogamizi. Ikindi kandi ni uko mu kugendana n’ibihe, inkwano yari Inka none yasimbuwe n’amafranga kandi asigaye agoye kuyabona. Ikindi ni ukubera ko imiryango myinshi nticyorora, kuko ahenshi hanabaye imijyi ujya gutanga Inka ugasanga ntizabona urwuri kuko abayihabwa batuye mu mujyi, none rero ni ukuyishakira indi nyito. Imiryango niyongererwe ubushobozi maze rwose inkwano izaboneka. Hanyuma ababyeyi banigishe abana babo ubwenge bizatuma bubaka ingo zifite gahunda ihamye.
Inkwano si ikibazo ahubwo umukobwa aba ashaka kugaragaza ikirori umuhungu yaba amukunda nawe akiyemera nyuma ubuzima bukabacanga utamukoye yazajya akubwira ko nta gaciro ufite
Mwaramutse muryango nyarwanda. Nkuko bigaragara muri iki gihe buri wese arabona ko ubuzima busigaye buhenze. Kandi mu byukuri amafaranga umuhungu atanga nk’inkwano ni menshi cyane usanga ayakoreye igihe kirekire cyangwa akaba yayaguhije haba muri banki cyangwa inshuti ze. Ugashyiraho ayo ateguza ubukwe, ubukode bw’inzu ibikoresho byo murugo n’ibindi byose bikenerwa kugira ngo urugo ruhagarare ugasanga bifashe nko muri miliyoni ebyiri. Kandi mu byukuri rwa rugo mushinze nta kintu mufite muri yanzu ahubwo mugiye gutangira kwiyubaka bundi bushya.
Ugasanga namwe ubwanyu imibereho irabagoye, Kandi still muracyishyura amadeni mwishoyemo mukora ubukwe Aho niho hava amakimbirane, gatanya ikaba iraje mutarasoza kwishyura na yamadeni. Ariko burya yamafranga miliyoni ebyiri mwakoresheje mukwa mwitegura n’ubukwe mwakabaye mwarayifashishije mukora ibikorwa bibabyarira inyungu.
Ku bwanjye nkaba mbona inkwano ivuyeho nibura hari umusanzu byatanga mu mibanire y’abashakanye. Ese ko bavuga ngo inkwano ni ishimwe rihabwa ababyeyi b’umukobwa, ab’umuhungu nibo batashimwa? Ugasanga umuhungu ni uri in charge y’ibintu byose Kandi ngo haje uburinganire. Kuki abana bombi batafatwa kuburyo bumwe cyane cyane ko baba bagiye no kubana🤷🤷
Iyi mwumvire ikwiye guhinduka inzitizi zituma abana badashana nizituma bahita batandukana zikavanwaho. Murakoze
Ahhh nibazikureho nubundi ka
sh zarabuze 🤣🤣🤣🤔
Ikibazo si ukuba Inkwano ari ikibazo ahubwo ni ikimenyetso cy’ibibazo byinshi biri mu muryango nyarwanda ….nkunda kubivuga ko uburezi n’uburere ni cyo cya mbere cyamaze kugira ibibazo….ikibazo cy’inkwano ni ikimenyetso..gukemura ikibazo cy’inkwano ni nko kuvura umutwe kɔdi urwaye malariya…kuvuga inkwano mugikomeye ngo uburenganzira bw’umwana .uburinganire butabanjirijwe no kuzuzanya biratuma ababyeyi bavuga bati arize tumurihira adusize dukennye, ntitwamubuza ngo atwumvire ntabwo twabwira umurenge ngo bihagarare ntarakura mu mutwe ….kuko kurongor(w)a ni uburenganzira bwe ….umubyeyi ntaho asinya ko yemeye ubwo bukwe cg abona umwana atarakura ubuyobozi n’amadini arareba imyaka n’amasano gyaa….ibindi ntacyo bivuze barigisha umunsi w’ibirori gusa ,,,,none se ubukwe umubyeyi atagizemo uruhare ruranbuye ubuyobozi ntamwanya uhagije idini ti muzane amaturo urumva bitarangira ari agahararao ubundi ashwi
Ikibazo sinkwano ahubwo ikibazo nabazihinduye ikiguzi,ati:umukobwa wanjye utazazana 2M sinzamumuha.ubwo rero ugasanga uyaciye ahaye urugero nabandi barite abakobwa.njyewe numva ministere ibishinzwe yagakwiye kugena inkwano ntarengwa kumukobwa uwo ariwe wese hatitawe ko avuka kwande cg hehe cg yize angahe kuko nabyo barabyitwaza
Ikibazo sinkwano ahubwo ikibazo nabazihinduye ikiguzi,ati:umukobwa wanjye utazazana 2M sinzamumuha.ubwo rero ugasanga uyaciye ahaye urugero nabandi bafite abakobwa.njyewe numva ministere ibishinzwe yagakwiye kugena inkwano ntarengwa kumukobwa uwo ariwe wese hatitawe ko avuka kwande cg hehe cg yize angahe kuko nabyo barabyitwaza .ugasanga kko umuhungu akunda umukobwa kdi ashakako babana yiyahuye mumadeni kko abona ntakundi yagira.
Aha rwose Hon. Minister yarumye arahuha. Nk’uko barwanya n’indi migenzo iri mu muco ibangamira uburinganire n’inkwano bagombye kumva ko ibubangamiye. Keretse niba itegeko rivuga ko iyo ibibangamye ariko byungura umukobwa n’umuryango we bidakorwaho! Aho ikiganiro cyahita gihanagara. Ariko se niba atariko bimeze, Hon. Minister musobanura mute niba abana bose bangana ko niba bagiye gukora ubukwe umuryango w’umuhungu (noye kuvuga umuhungu n’ubwo bizwi neza ko inkwano isigaye ireba urongora /Umusore) ugomba gutanga icyo mukita urwibutso/ishimwe n’utundi tubyiniriro ariko mu by’ukuri cyahindutse ikiguzi ukurikije uburyo bisigaye bikorwa! Ese mu gushinga urugo ufite inyungu ni nde hagati y’umuhungu n’umukobwa ku buryo ariwe ukwiye gutanga iri shimwe! Ese umuryango w’umuhungu wo kuki nta shimwe uhabwa niba abana bangana? Uyu mudepute watanze iki gitekerezo ndamushimye niwe uhagarariye rubanda! Naho Minister we nareke kujijisha abantu niba bitari byaranatekerejwe Minisiteri ayoboye ibitekereze cya berure bavuge ko uburinganire atari ngombwa mu bintu byose! Nimureke tujye duterura ahandi ariko tunaterure neza. Nta muzungu uzumva agurisha umwana we ngo ni inkwano ahubwo amuha icyo yamuteganyirije iyo agiye gushaka cg amaze gukura!
Aha baba bakoze byiza kabisa, ahubwo batwigire n’uburyo umukobwa n’umuhungu mbere yo gusezerana buri wese yajya agaragaza icyo yonjiranye murugo kugirango nibanatandukana azatware icyo yzanye bityo bakinjiza murugo ibingana 50/50 kuri buri wese, bizagabanya imibare abakobwa binjirana mungo
Shahu se… Wavuze ko mbere bakwago (50,000frw) ariko ubu mumyaka itarenze 3_4 bari gukwa (1,000,000frw) jye nubundi nari naravuze ko ntagikwe nteze ariko iyo idea ya ministry ikunze nakwisubiraho daaaa😂😂😂
Cyane ko iyo mico yinkwano nubundi yabagaho batarazana uko kunganya uburenganzira kumutungo kdi warashatswe n’umugabo, aha rero iyo urebye usanga umugabo abirenganiramo
Hhhhh inkwano sikibazo rwose ahubwo abazizamura bakamera nkaho barigucuruza abakobwa babo sinzi aho babikura ntampamvu yokutugora nigumeho ariko ingenwe Ibe imwe apana gukosha nkabagurisha ikibanza bashake nubundi buryo mbere bajya bafasha abagiye kurushinga bakaganirizwa mbere yogutegura marriage banjye babanza gutegura urugo kuko maririage niyumunsi umwe ariko urugo nubuzima bwawe bwose kuko ushobora kwica marriage bikarangira ariko ushobora kwica urugo ukazabaho wicuza igihe cyoseeee
Kuri jewe ndashigikiye uyo mudepite cane gose inkwano yovaho ahubwo hakaba inama mumuryango wumuhungu numukobwa amafaranga agatanga se wumuhungu na se wumukobwa kuko itegeko rivuga ko umuhungu angana numukobwa Hama abavyeyi bagaharura amafaranga bakayaha abagiye kubana bakababwira ko aya agiye kubafasha kubaho kwanyu urakwa umukobwa amezi abiri ngo dutandukanye abo badukuriye nibabe baraba ibihe tugezemwo bahindura namategeko amwamwe kuko ivyakera si vyubu tujane nibihe
Ngahoda arega reta iziko abagore barabakera ububu nubucuruzi kbs nibagire badutabare rwise bayivaneho pe%
Inkwano rwose nibe ihagaze tubanze tumenye ibyaribyo
Ubworero inkwano nivaho nibishyingiranwa bizavaho nubundi ubwobyose bizaba bireba wamuhungu kuko inkwano yifashishwaga mukugura ibyuzaryana murugo rwawe ntago ababyeyi bayisigarana rwose njye ndumva ntacyo bakijijepe!!!!
Njyewe mbona inkwano Ari imbogamizi kubasore bari hanze aha irigutuma badashaka kuko inkwano ubu iri muma million knd mubyukuri abasore bayatunze babarirwa kuntoki, ikindi nubwo baba bayatunze byabafasha gutangira urugo rushya kugirango ruzabashe guhashya ubukene.
Erega hokugirango bahe umuryango w’umukonwa inkwano ejo azicwe ninzara ageze murwe ibyo ntabwo bikwiye rwose njye nikombyuma.
Njye ndumva inkwano zavaho peeeee
Kuko zirimubintu bituma abasore tutarongora niyo. Usanga ukundanye numukobwa ugasanga nkababye bumukobwa barikuguca amafranga menci kandi nabo ubwabo babonako nayo wabona..
Inkwano niyo itubera imbogamizi itumatutarongora
Uwo muntu wazanye icyogitekerezo ndamu shigikiye.. Bitaribyo nituzigera dushaka abagore.