Rutahizamu ukomoka mu gihugu cya Tchad uherutse mu Rwanda, Hasaan Brahim Djibrine, yasinyiye ikipe ya Nouadhibou FC yo mu Cyiciro cya Mbere muri Mauritania.
Imyaka ibiri yari ihagije ngo uyu rutahizamu agaragaze ko urwego rwe rutari urwo gukina mu Rwanda.
Uyu musore ukomoka muri Tchad, yasinye amasezerano y’imyaka ibiri muri Nouadhibou FC izakina CAF Champions League.
Iyi kipe ibicishije ku mbuga nkoranyambaga za yo, yemeje ko Hassan Brahim Djibrine ari umukinnyi wayo mu myaka ibiri iri imbere.
Gasogi United ibicishije ku mbuga nkoranyambaga zayo, yifurije Djibrine ishya n’ihirwe mu kipe ye nshya.
Djibrine waciye muri Étincelles FC no muri Gasogi United, asanzwe afashwa na Alim uyobora ‘Alim Football Management’ ishinzwe gushakira abakinnyi akazi.
UMUSEKE.RW
