Umukarani w’ibarura yagiye mu rugo rw’uwitwa Kanani Jean Robert, ngo ababarure imbwa yaho iramurya imukomeretsa ku kibero.
Ibi byabaye ku Mbere tariki 22 Kanama, 2022 mu Mudugudu wa Gatagara mu Kagari ka Gasanze mu Murenge wa Nduba ho mu Karere ka Gasabo.
UMUSEKE wamenye amakuru ko ubwo uyu mukarani w’ibarura witwa Uwimpuhwe Josiane yageraga kwa Kanani Jean Robert yasanze igipangu gifunguye nyiri urugo ari mu nzu.
Umwana w’imyaka umunani yaje kureba uwinjiye akurikirwa n’imbwa yo muri urwo rugo, undi ayikubise amaso atahwa n’ubwoba agerageza kwikinga kuri uwo mwana, imbwa iramoka, noneho uko amwikingaho amukubita hasi, imbwa na yo ihita imushinga imikaka iramukomeretsa.
Nubwo iyi mbwa yari ikingiye, Kanani yihutiye gutabara ahita atwara umukarani w’ibarura kwa muganga kugira ngo ahabwe ubuvuzi.
Umuvugizi w’Urwego rw’Ubugenzacyaha (RIB), Dr. Murangira B. Thierry yabwiye UMUSEKE ko hari gukorwa iperereza kugira ngo bamenye niba ibyabaye ari impanuka cyangwa hari uruhare Kanani yabigizemo.
Yasabye abantu korohereza abakarani b’ibarura ati “Amabwiriza barayabwiwe barayahawe kandi nta muntu uza atateguje, rero borohereze abakarani b’ibarura birinda ibyaha bishobora kuvukamo kubera kutaborohereza akazi kabo.”
Amakuru avuga ko Kanani yamaze kugeza umukarani w’ibarura kwa muganga ntiyongera kuboneka, Umugore we witwa Tuyisenge Jeannette ni we watwawe kuri RIB kugira ngo asobanure uko byagenze.
Ikigo cy’Igihugu cy’Ibarurishamibare cyamaganye igikorwa cyabaye kuri uriya mukarani.
@statisticsRW twihanganishije umukarani w'ibarura wariwe n'mbwa ubwo yari mu kazi ke. Ibi ntibyari bikwiye ku banyarwanda bigishijwe bihagije ku kamaro k'ibarura. Uwabikoze ari gukurikiranwa n'nzego zibishinzwe, umurwayi nawe ari kwitabwaho. @CityofKigali @Rwandapolice @RIB_Rw
— National Institute of Statistics of Rwanda (@statisticsRW) August 23, 2022
UMUSEKE.RW
Kanani arazwi yayimushumurije kuki umukarani yaramaze iminsi ajyayo bakanga kumufungurira
Rib imukurikirane
Rekekera abakora iperereza bakore akazi kabo niba mufitanye ibibazo ibyo birakureba birashoboka cyane ko ali impanuka yabaye imbwa akenshi irya umuntu uyitinya kandi nibyo byabaye gusa nugusaba iyu akihangana mugihe ubuyobozi burimo kureba ibyabaye
Ese aba bakozi bafite Medical Insurance?Nizere ko NISR ariyo imuvuza.Gusa nkuko Yesaya 11:6-8 havuga,inyamaswa ntabwo zizongera kurya abantu mu isi nshya dutegereje ivugwa muli Petero wa kabili,igice cya 3,umurongo wa 13 havuga.It is a matter of time.Imana ifite calendar yayo ikoreraho.Ku munsi w’imperuka,izabanza ikure mu isi abantu bose bakora ibyo itubuza,kandi izure abantu bapfuye baririndaga gukora ibyo itubuza (ubwicanyi,ubusambanyi,ubujura,ruswa,kurenganganya,kwikubira,amatiku,etc…).Nyuma yaho,isi yose izaba paradizo,ibibazo byose biveho,harimo indwara n’urupfu nkuko Ibyahishuwe 21,umurongo wa 4 havuga.
Waragowe sha muyehova we ndumva waramize Bible aho kumira uko urukingo rwimbwa icyo rumaze
Hhhhhh uyu muyohova iyo nsomye comment ye intera isereri ngahita nyicaho kuko ahora avuga ikintu 1 nawe yahindutse umuterroriste